.webp)
Daftar Isi
Bali memang menyimpan sejuta kesenian dan budaya. Tak hanya terkenal karena kekayaan pemandangannya, tapi budayanya pun jadi sorotan. Bali memiliki banyak sajak puisi dari bahasa Bali. Simak berikut contoh puisi Bali penuh makna, dilansir dari buku Wulan Sedhuwuring Geni Antologi Cerpen dan Puisi Daerah serta buku Car Free Day lan Car Everyday oleh I Made Suarsa.
Kumpulan Puisi Bali Anyar
SCROLL TO CONTINUE WITH CONTENT
1. Lawate Samar
(Gede Darna)
Angin karone rauh saking kauh matalang
Bedbedan nistane sayan pageh ngelut kayun
Uduh.. Pinunase kagantung ring langit
Nanging pasihe aad, bulane kepangan
Wengine sampun ngundhap ring natahe
Natahin wadih i kala raune
Sane tan pacang ngetel yadian aketisan
Bungan tanjunge mabrarakan
Miike sampu kaisep antuk i buk selem
Katusuk ban i bulan mayang
Lawate sayan samar ring tembok panyengkere
Mangkin kantun tatun atine ring setra
2. Bayang Samar
Angin karo berembus sunyi dari barat
Setia sengsara membelengu pikiran
Duhai.. Di langit tergantung harapan
Namun lautan surut, bulannya gerhana
Malam terkantuk di halaman
Menanti sisa si kala rau
Tak kunjung menetes seserpih pun
Bunga tanjung terburai
Harumnya terisap debu hitam
Tertusuk si bulan pucat
Di batas tembok bayang semakin samar
Hanya luka tersisa di pusara
3. Margarana
Driki tiang nguntul ngebiosang yeh mata
Kangen manah titiang ngantenang
Tugu para pahlawane sami
Majujuk ngebekin tegalan
Pahlawan-pahlawan sane tan madue pamerih
Nyikiang raga melanin negara
Ngicalang meseh jagi mewali
Nyajah gumin i raga
Duk punika tahun 1945
Jagat Indonesiane sampun mahardika
Truna-truni dados pamucuk
Sakadi satria wira nangkepin meseh
Pejah ring rananggana
Punika kasengguh pahlawan
Kasub makuub jagat I raga
4. Suung
Sira ruruh
Sira jujuh
Sami jaga tandruh
Wantah lintang kewuh
Ngruruh sane during kaweruh
Sira ruruh
Dados gupuh
Gipih nyujuh
Nyujuh tan pasuluh
Janten tan kapangguh
Napi ruruh
Napi jujuh
Ring dija ruruh
Sane tan kapanggih
Yan during raga sutindih
Janten sami suung
Puyung, mangmung, ngluwung
Doning wantah ida maraga suung
5. Palakarma
Dot pisan ngerasayang
Nénten sekadi sapuniki
Sios ring kahuripan mangkin
Baat kerasa yan pinehin
Yan gandong tan urungan bah
Yan suwun tan sida baan
Sapunapiang mangkin?
Ngrugtug rasa tangkahé
Telas rasa bayuné
Minab puniki kabaos palakarma
Rasa ibuk maadukan
Dados ké puniki anggén pariselsel?
Idup wantah mabekel karma
Ngiring marginin
Kasép
6. Bollywood lan Baliwood
(Sukra Umanis Ukir)
Holywood
Genah luh-luh huah
Dollywood
Genah luh-luh lulu
Bollywood
Genah luh-luh galuh
Baliwood
Genah luh-luh luih
7. Car Free Day lan Car Everyday
Sabeh-sabeh yata panes banteng
Saking budha cemeng ngantos budha cemeng
Saking semeng ngantos tengah lemeng
Saking tengah lemeng ngantos semeng
Salaksa majeljel montor alit ageng
Ngebekin margi ngindeng-indeng
Gering magarang mengerung gerang-gereng
Maluab dot malaib ngacueng
Kemawon sami ngubeng kablengbeng
Amunika margine linggah lempeng
Metu cupek tur capeng
Montor bontok dawa neng apeneleng
Sami brangseng
Uat baong kenceng
Saling nengneng saling cureng
Saling peleng saling kampleng
Nigtig bel kemprang-kempreng
Kuping empeng
Sirah pengeng
Kota dados geseng
Kari saling pakereng
Numbas montor seneng-seneng
Yadiastun mael nglueng
Car free day kauleng
Ngindengang montor paturt pitet kengkeng
Mangda denpasar sareng keneng-keneng
Car everyday sane maimbeng
Nguyeng tempeh ring margi lemah peteng
Mangda denpasar mabading badeng
8. Voice lan Noise
Minabko galah sampun dis
Raos lamis mangkin lais
Kumuh manjakin waduk bengkis
Ngayahin pala polo pula-pali politis
Pasametonan ngancan tipis
Nemah misuh nenten gigis
Lagute layah tan pakarcis
Bibih tan pagaris lis
Ngawe tangkah kadi kaiis
Ngulati tis nampati kritis
Ngacep kalis tancep kumis
Ngalih peris polih deris
Ngunduh toris rauh teroris
Ngruruh voice pangguh noise
Wusan amunika mecuk alis
Nyelet keris nganggar linggis
Ngiring matembang dandang gendis
Ngengkem madu ngemu manis
Nyolahang tari blibis
Nyarengin sabeh ngripis suaran kedis
Ampehang angin aris
Ring nusantara jengkis tan pakikis
9. Carik Beton
(I Wayan Budayasa)
Ejoh ngentungang peliat mata
Barak ngendih kakaton marcapadané
Ulap panes matanai tan sida katambakin bulun paningalan
Anginé ngemu panes ngosok padang ambengan tuh
Pakrésék pakrosok nyatuang kolongan embuh
Padiné kalah tegeh kalah gedé
Mesanding ngajak beton gedé ganggas
Kadirasa ten wénten sané wadi manungkas
Cariké kaungkulan olih wewangunan nyujuh langit
Nyepit, ngéwérin, nyumbungan déwék sambilang ngajengit
Né pipis.... mai alih...
Cén surat apang akurat..
Gaené aluh tusing perlu mesuang peluh...
Suara-suara ngandup-ngandupin apang sida percaya..
Bapak élah nganggoang kita ngaé duh kita
Tetamian luhuré piara diastu kerasa sengsara
Jelé melah gumi gelah
Meyasa, menyama, meyadnya apang sinah
Cara jani gumi kenyat, Keneh jengat, Uat pegat
10. Gumi Wayah
(Ni Kadek Nova Aprilia Wati)
Rem-rem selem
Gurindam gurindem
Nngemu gulem
Masemu gelem
Kliab-klieb guminé
Karasa katangkeb langit
Peteng dedet
Klebat-klebét
Endihan tatit
Grudug yéh ngebyor
Grudug angin ngalinus
Grudug linuh magejeran
Grudug gunung makeplug
Tusing je ulian kuangan banten
Boya je karana kuang pakelem
Sing masi ulian widi duka
Suba aab gumi
Ngiring ngastiti
Ring Hyang Widhi
Dumadak baktiné kaaksi
Mangda sutrepti
Sami manggih santhi
Ngiring Hyang Widhi
Om shanti shanti shanti
Nah detikers, itulah tadi contoh 10 puisi bali anyar. Semoga artikel ini membantu, ya!
(aau/row)
