20 Geguritan Bahasa Jawa Tema Pahlawan

Geguritan adalah salah satu karya sastra bahasa Jawa yang berbentuk puisi. Isi geguritan biasanya berupa ungkapan perasaan dan pikiran sesuai imajinasi penyair.

Penulisan geguritan bisa dengan berbagai tema, seperti tema pahlawan, cinta tanah air, hingga pemimpin. Berikut ini contoh geguritan bahasa Jawa dengan tema pahlawan.

Contoh Geguritan Tema Pahlawan

Dari berbagai tema yang ada, contoh geguritan tema pahlawan menjadi salah satu yang sering dicari. Simak kumpulan geguritan tentang pahlawan yang bisa menjadi referensi.

SCROLL TO CONTINUE WITH CONTENT

1. Ir. Soekarno

Dening: Salsa Belladea P.

Ir. Soekarno...
Panjenengan pahlawan bangsa
Mbebasne bangsa Indonesia soko penjajah
Lan ndadekake Indonesia merdeka

Ir. Soekarno...
Sikapmu sing berbangsa patuh dicontoh para-para muda
Jasamu ora bakal daklalekake
Panjenengan dadi ksatrian bangsa
Maturnuwun Soekarno panjenengan sampun merdekaake
Negara Indonesia

2. Pangeran Diponegoro

Dening: Aditya Bambang Tri Anggoro

Ngagem sorban ingkang petak
Nitih turangga kanti ngagem keris
Kangge ngelawan para penjajah
Panjenengan mboten nate gigring
Jiwa lan ragamu dadi korban
Kangge nuswantara

Diponegoro...
Asmamu kaseret ing jeneng-jeneng dalan
Pragamu kang wibawa
Tunemplek ono eng arta

3. Pahlawan

Dening: Engki A.P.

Panjenengan rela kurban nyawa
Supaya negara iki mardika
Panjenengan rela ninggali keluarga
Kanggo bela nusa lan bangsa

Sanajan sliramu wus seda
Jeneng lan pangurbanan panjenengan
Ora bakal daklalekna

Amarga pangurbanan panjenengan
Negara iki mardika
Sanajan akeh pacoban sing nglang nglangi
Pacoban tetep kok adhepi
Kanthi ati kang siji

Pahlawan...
Ora bakal dak lali
Kabeh pangurbanan kuwi
Tansah dak jaga
Supata tetep mardika

4. Pahlawan

Dening: Ibra Razeddianto

Pahlawan...
Gedhe jasamu ing negeri iki
Kowe ngurbanake nyawa, bandha, kluarga kanggo negeri iki
Tanpa nyerah...

Pahlawan...
Dalan uripmu ora dawa
Nanging jasamu ora bisa dilalekna
Ora ana sing ngerti apa sing kedadean ing dinamu
Nanging koklakoni kanggo anak putu

Pahlawan...
Ing dongaku daksebut jenengmu
Tak dongakake kanggo alam akhiratmu
Muga muga bisa seneng ing kana
Lan dadi ahli swarga

5. Pahlawan

Dening: Yoggi Putra Pratama

Sliramu pancen pahlawanku
Bektimu marang nagara
Pancen gedhe banget
Panas udan
Ora dadi alangan

Mung kanggo nagara
Sliramu ninggalake sanak sedulur
Supaya nagara kita merdika
Pahlawan...
Anggonmu mbela nagara

Taruhane nyawa
Aku ora bakal nglalekake
Jasa-jasamu
Oh pahlawanku

6. Pahlawan Kauripan

Dening: Estiti Rifngatul Kamila

Tak sawang sampeyan polah
Tak rungokne sampeyan ngomong
Tak rasakne sampeyan uga ngrasakne
mripat khayal dakngira dadi panutan
Aluse omonganmu kanggo atiku
Dadekne seneng ana atine kito
Sampe atiku ora pengen mlayu
Ngedohi dalan saktemene

Kesel awake sampeyan ndak sampeyan
Rupane kauripan dadekne apik
Kuwi jasa masalah ngabdi
Dudu jasa masalah ekonomi
Semangatmu dadi panguripan
Kanggo kito jalani panguripan
Ojo pernah sampean waleh

Dadi tonggak panutan
Senajan periwi ing kesengsaraan
Sampeyanlah pahlawan kauripan
Matur suwun kanggo sampeyan
Sang pahlawan kauripan

7. Lelabuhane Pahlawan

Dening: Maria

Duh... Pahlawanku
Piye carane bis menehi piwales sakkahing
pangurbananmu
Pengurbananmu pancen wigati banget kanggoku
Sing wes kok wenehake kanggo bumi pertiwi

Apa aku kudu mudhun ing ngglangang perang
Apa aku kudu adus ludira
Apa aku kudu kena cublesing glati ningbangsa walundho
Apa babar pisan ora ngerti caraning
krpiye menehi piwales sak kabehe
pangurbananmu kui

Sliramu lila legawa ngurbanake ngawakmu
Kabeh mau kanggo kamardikan
Ura bisa kok rngkuh kanggo tanganmu dewe
Duh pahlawanku sliramu kui pejuang
bumi pertiwi iki

8. Pahlawanku

Dening: R. Tantiningsih

Pahlawanku
Wutahing ludirmu
Nyiram ibu pertiwi
Nadyan sang ibu
Kudu muwun sedhih
Karajang-rajang manahe
Karujit-rujit rasa pangrasane

Pahlawanku
Mugya Gusti paring nugraha
Semana gedhene bektimu
Jiwa raga, bandha donya
Tanpa sisa
Amung siji pangajabmu
Merdika

9. Kartini

Dening: Eva Maulida

Wanita kang arum gandane
Madhangi kabeh para wadon
Mbedhal pagering wewaton
Ngudi ngelmu ana ing pasinaon
Dadi wanita kang pinunjul
kang tansah ngresepake
Kang bisa njembarake jagading wanita

Aku tansah eling
Aku tansah syukur
Aku tansah ndedonga
Muga-muga tumeka saiki
Isih ana kartini-kartini mudha
Kang bisa nggawa
Aruming bangsa lan negara

10. Pemuda

Dening: Vinny Rista Winurtika

Para muda dadya satria kang
Utama
Angrungkebi nusa, bangsa, lan agama
Wis nyata manawa Pancasila
Dadi dhasare
Ngera

Pahlawan kang wis sirna
Mbrantas budi
Angkara murka
Lila legawa tumrap bangsa
Angrebut negara, bumi pertiwi kita
Angluhurna pahlawan kang
Ngorbanake
Jiwa raga

Mula ... aja lali, manembah kang maha kewasa
Kanthi Undang-undang Dhasar
Patang puluh lima
Ayo kabeh padha cancut tali wanda
Aja lali marang sumpahmu, pemuda

11. Pahlawanku

Dening: Muhammad Adjie Ismail

Pahlawanku
Wutahing ludirmu
Nyiram ibu pertiwi
Nadyan sang ibu
Kudu muwun sedhih
Karajang-rajang manehe
Karujit-rujit rasa pang rasane

Pahlawanku
Mugya gusti paring nugrara
Semana gedhene buktimu
Jiwa raga, bandha donya
Tanpa sisa
Among siji pangajabmu
Merdika

12. Pahlawanku

Dening: Arga Rafi W

Pahlawan, sliramu dadi dalan kemerdekaan
Tadak awak ora wedi marang kematian
Nyowomu kanggo pondasine kebebasan
Kanggo rakyat saking cengkramane penindasan

Pahlawan, awan bengi nantang maut
Nglawan misil miisl kang semrawut
Kabeh lawan koe ajak gelut
Ra peduli najan awak podo benjut

Pahlawan, semangatmu koyo geni
Ngobong kabeh pasukane kompeni
Kanggo njaga lemah kang ditresnani
Indonesia merdeka, Indonesia di ormati

Pitulas agustus taun papat lima
Opo sing diimpike dadi nyata
Saiki Indonesia wes merdeka
Pahlawan, perjuanganmu ra sia-sia

Indonesia merdeka!!!
Indonesia merdeka!!!
Kabeh mergo perjuanganmu

13. Pahlawan Kartini

Dening: Shintia Eka Rahmawati

Kartini...
Sapa kang ora kenal panjenengan
Pahlawan kang mbela kaum wanita
Pahlawan kang berjuang nentang pangeran walanda

Kartini...
Senajan tinirah dadi priyayi
Duweni irah bangsawan
Kartini mbela emansipasi wanita
Mbela rakyat jelata

Kartini...
Wulan April iki dadi seksi
Lelabuhanmu kang misuwur tumrap bangsa Indonesia
Habis Gelap Terbitlah Terang
Dadi bukti masa perjuangan
Kutha Jpara dadi papan panggonan

Kartini...
Amargi jasami
Wanita eropa lan wanita pribumi
Dadi duweni kang padha
Duweni hak pikantuk pendidikan

Cita-cita (Pendidikan)
Isun Awan bengi aku sinau
Amargi agawe nento

14. Pahlawanku

Dening: Eka Lawla

Abang Putih
Ginebermu tanpa sayah
Nadyan wes akeh
Riwe ... luh lan rah
Sing Wutah

NKRI dudu negara sing diwenehi
Nanging...
NKRI bisa ngadhek ing bumi
Merga para pejuang negari
Kanggo kamardhikan ibu pertiwi

15. Gurit Pahlawan

Dening: Grassius Josef IR

Pahlawan
Gahlawan
Tentaranipun
Gusti
Ingkang soroh jiwa raga nyawa
Kathi ikhlas rila
Kangge mulya saha luhuring
Nusa bangsa saha negari

Panjenengan besmi
Para pangembat pusaraning praja
Para anggota dpr
Sageda nulad
Perjuangan panjenengan sami

16. Bung Tomo Arek Surabaya

Dening: Izdihar Lutfiyah

Indonesia Merdeka
Berkat wanine arek Surabaya
Nang Enggon iki
Aku ngidek dalan
Bekas udan mimis lan nyawa
Umpamane gak onok sing berjuan
Aku gak bakal
Ngidek dalan iki

Dalan iki dadi saksi
Nang plantaran lan loteng
Hotel Yamato iki
Bung Tomo lan arek Surabya melawan
Ngiberna gendero abang putih
Nyuwek birune gendera walanda
Aang Putih gendera Indonesia
Mumbul nang langit Surabaya
Merdeka!

17. Raden Ajeng Kartini

Dening: Fauziah Isnaini

Sanajan panjenengane wanita
Nanging gelem rekasa
Sanajan dipingit wong tuwa
Atine tetep mbela
Mbela kaum wanita
Aja nganti kalah prakosa

Jejere wanita
Kudu tetep siyaga
Ngowahi nasibe bangsa
Nurunake nasibe bangsa
Duwea wawasan kang jembar
Kanggo nggayuh lintang kang sumunar

18. Pahlawan Emansipasi

Dening: Pakshe

Wanodya ayu utama
Pantes kinarya tuladha
Nadyan piningit
Jiwa lan gegayuhane sundhul langit
Nenggih sang kartini pahlawan emansipasi

Kartini Kartini Kartini
Nadyan krubyuk kabotan pinjung
Tetep jiwa satriya mbangun negara
Amiyak pedhut kasangsaran lan kanisthan
Asung pepadhang mring wanita bangsa
Lumantar dalancang kang rinakit basa lan sastra
Hambudidaya kamardikaning wanita
Wanita darbe drajat kang padha priya

Wanita amung dadi kanca wingking?
Saiki dadi wong penting
Wanita amung swarga nunut neraka katut??
Saiki pantes dinut
Wanita amung ana sumur, dhapur lan kasur?
Saiki dadi gubernur

Kartini yekti pantes pinuji
Kartini yekti pantes jinunjung
Kartini yekti pantes kinurmat
Minangka kembanging nuswantara

19. Ki Hajar Dewantara

Dening: Bisri Nuryadi

Ing adheme hawa Walanda
Sira panggah netepi setya
Nyawijining ngilmu
Ngugemi laku
Nyerat ing saben-saben wektu

Nalika ati krasa
Krungu swara jerite sedulur
Ing lemah Pertiwi
Sing gumregah greget
Bali ing desa mijilmu
Nuswantara

Suwardi Suryaningrat
Kondhang kanthi asma Ki Hajar Dewanatara
Putra kraton sugih bandha brana
Milih dadi satriya lelana
Manunggal sajroning rakyat jelata
Gugur dadi pahlawan negara
Minangka Bapak Pendidikan bangsa

20. Marang Pahlawan

Dening: Bagus Sugiharto

Siji-siji kembangmu gugur
Siji-siji kembangmu prethel
Siji-siji godhongmu alum
Siji-siji godhongmu ceblok

Najan kembang lan godhongmu wis ilang
Nanging sliramu tetep mbudidaya amrih tekadmu bisa langgeng
Semangatmu tansah makantar tan suda
Mbesuk sewu godhong bakal trubus
Mbesuk sewu kembang bakal mekar...

Artikel ini ditulis oleh Najza Namira Putri, peserta Magang Bersertifikat Kampus Merdeka di detikcom.